Цогтцэций сум 388 малчин өрхтэй, 154 мянган тоо толгой мал сүрэгтэй. Уул уурхайн идэвхитэй бүс нутаг ч гэсэн монголын уламжлалт мал аж ахуй, мал сүргийнхаа чанарт малчид онцгой анхаарч байна. Аймгийн 6000 гаруй малчин өрхөөс мал сүргээс авч буй ашиг шим, үр өгөөжийг нэмэгдүүлэхэд малчин түмнээ манлайлсан Цогтцэций сумын Сийрст багийн малчин Ц.Баярсайхан, Билгэх багийн малчин С.Пүрэв-Эрдэнэ, Сийрст багийн малчин Д.Гэрэлт-Од нарын гэр бүл 2020 ОНЫ АЙМГИЙН АВАРГА МАЛЧИН ӨРХ боллоо.

Сумын иргэдийн Төлөөлөгчдийн Хурлын Тэргүүлэгчдийн 2021 оны 1 дүгээр Хурал 2021 оны 1 сарын 19-ны өдөр хуралдаж 4 асуудал хэлэлцэн баталлаа. Үүнд • Иргэдийн төлөөлөгчдийн хурлын бүтэц орон тоо, цалинг шинэчлэн батлах тухай • Тэгш дүүрэн тохижилт ОНӨААТҮГ-ын 2021 оны бизнес төлөвлөгөө батлах тухай • Төрийн дээд шагналд тодорхойлох тухай • Иргэдийн төлөөлөгчдийн хурлын ээлжит бус хуралдаан зарлах асуудлыг хэлэлцэх тухай зэрэг асуудлуудыг хэлэлцлээ.