Засаг захиргааны анхан шатны нэгж болсон Сийрст,
Билгэх, Цагаан Овоо, Өгөөмөр гэсэн 4
багтай. Сумын хэмжээнд 13 төсөвт байгууллага, 3 том уурхай үйл ажиллагаагаа
явуулж байна. Тус сумын нийт хүн ам 7100, өрхийн тоо 2352 байгаагаас малчин өрх
264 байна. 2016 оны жилийн эцсийн мал тооллогоор 100,660 толгой мал тооллууллаа.
Сумын нутаг дэвсгэрт дэлхийн улаан номд бүртгэгдсэн
дархан цаазтай аргаль янгир, хар сүүлт зээрээс гадна үнэг ,хярс, туулай болон
олон төрлийн жигүүртэн шувууд бий.
Булаг шанд уул толгод говь хөндий хосолсон байгалийн
эрдэнэс баялгаар баян,Монгол улсын баатар эмэгтэй Түвдэнгийн Бороор овоглосон
өлгий нутаг, Гэсэр Гэлэнгийн домогт хурдан удмын адуу, нутгийн түүхтэй
холбоотой уртын дуунууд уянгат гийнгоогоороо алдартай нутаг билээ.
Сумын 9 гайхамшиг
1.
Сайн Бичигтийн хийд
2.
Ар Цагаан Овоо
3.
Цавчирын задгай
4.
Цэций уул
5.
Тугийн цохио
6.
Энгэр цагаан хайрхан
7.
Өгөөмөр хайрхан
8.
Таван толгойн орд газар
9. Говь Шанхайн хурд
Цогтцэций сумаас төрөн гарсан алдартнууд:
Цогтцэций нутгийн бахархал домог болсон БНМАУ-ын
баатар эмэгтэй Т.Бор, Улсын аварга малчин О.Гимбэл, Улсын сайн малчин Р.Баатар,
Улсын аварга малчин Ц.Наранцэцэг, Гавъяат нэгдэлчин Р.Даваахүү, Залуу аварга
малчин С.Дүүхүүхэн, Х.Цэцэгдэлгэр, МУ-ын УГЗ Ш.Аюуш, МУ-ын гавъяат жүжигчин
Ч.Дүндгээ, шилдэг улс төрч Д.Идэвхтэн, Д.Батэрдэнэ, элчин сайд Т.Гэндэн,
Ч.Батжаргал, эрдэмтэн Л.Халтай, Д.Оргил, Ү.Цогттуяа, Д.Адъяа, Б.Балжинням,
Д.Хүү, О.Ганбат, доктор Т.Ганцэцэг нар төрөн гарсан байна.