Өмнөговь аймгийн Цогтцэций сумын Сийрст багийн Иргэдийн Нийтийн хурал 2016 оны 06 сарын 05-ны өдөр Сийрст багийн төв дээр боллоо. Тус хурлаар Улсын Их хурлын гишүүн Д.Бат-Эрдэнийн 4 жилийн үйл ажиллагааны тайланг иргэд, малчдад тараан өгсөн ба аймгийн Иргэдийн Төлөөлөгчдийн хурлын Төлөөлөгчийн тайлан ном, сумын Иргэдийн Төлөөлөгчдийн хурлын үйл ажиллагааны тайлан,  сумын Засаг даргын үйл ажиллагааны хөтөлбөрийн тайлан, Орон нутгийн хөгжлийн сангаар хийгдэх ажлуудын эрэмбэлэлт зэрэг асуудлыг хэлэлцсэн байна. Хуралд аймгийн ИТХ-ын Төлөөлөгч, Тэргүүлэгч Н.Амгалан, сумын ИТХ-ын дарга Ц.Мөнхдэлгэр, сумын Засаг дарга С.Содбаатар, ИТХ-ын Ажлын албаны дарга У.Түвшинбаяр, Сийрст багийн ИНХ-ын дарга Ц.Ардтүмэн, багийн Засаг дарга Л.Энхцэцэг нар оролцлоо. Тус хурлын үеээр Хүнс, хөдөө аж ахуйн тэргүүний ажилтан цол тэмдгээр шагнагдсан Сийрст багийн малчин Л.Оюунчимэг, Т.Мөнхбат, Н.Цогтгэрэл нарт шагналыг нь гардуулан өглөө. Малчдын төлөөлөл 50 гаруй иргэн оролцож, санал бодлоо илэрхийлэн, сонирхсон асуултандаа хариулт авах болон тулгамдаж буй асуудлаа ярилцлаа.