Аймгийн ИТХ-ын хуралдаанаар тус сумын Орон нутгийн хөгжлийн санд 1.8 тэрбум төгрөгийн санхүүжилт олгосноос сумын ИТХ-ын Хуралдаанаар хэлэлцэн 1.1 тэрбум төгрөгөөр 520 хүний суудалтай спорт цогцолборын ажлаас спорт заалыг нь барихаар шийдвэрлэлээ. Цогцолборын бусад өргөтгөл болон усан бассейн бүхий барилгыг тус суманд нүүрс тээвэрлэлт болон олборлолтын үйл ажиллагаа эрхэлж байгаа аж ахуйн нэгжүүд болон 2017 оны ОНХС-ын хөрөнгөөр хийж гүйцэтгэхээр төлөвлөж байна.